Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert teknologikommune og er del av ei klynge innanfor maritim sektor som er verdsleiande når det gjeld å utvikle grøne, maritime løysingar. Kommunen har ambisjonar som ein attraktiv vekstkommune under visjonen , og har mål om å bli nullutslepps-kommune innan 2030.
Kommunen har i overkant 19.000 innbyggjarar.
Kommunen og regionen Sunnhordland har eit stort miljø innafor helse, med blant anna Stord sjukehus, som er lokalsjukehus for 50000 innbyggjarar i regionen Sunnhordland. Høgskulen på Vestlandet avdeling Stord tilbyr bachelorutdanning i sjukepleiarfaget og eit bredt spekter med vidareutdanningar. Kommunen har 5 privateigde legesenter med til saman 22 fastlegeheimlar. Det er eit godt samarbeid mellom faggruppene i helse og omsorgstenesta.