Kommunal- og distriktsdepartementet (KDD) har cirka 250 tilsette og er sekretariat for kommunal- og distriktsministeren.
Departementet har ansvar for kommuneøkonomi og lokalforvaltning, regional- og distriktspolitikk, bustadpolitikk, plan- og bygningslova, kart- og geodatapolitikken, valgjennomføring og politikken overfor samar og nasjonale minoritetar. Blant dei underliggjande etatane og verksemdene til departementet er Direktoratet for byggkvalitet, Distriktssenteret, Husbanken, Husleigetvistutvalet, Internasjonalt reindriftssenter, Kartverket og Valdirektoratet.
Planavdelinga har ansvar for forvaltnings- og utviklingsoppgåver etter føresegnene i plan- og bygningslova om planlegging og konsekvensutgreiingar.
Avdelinga har også ansvaret for den nasjonale kart- og geodatapolitikken, og er tillagt etatsstyringsansvaret for Statens kartverk. Tilskotsforvaltning og oppfølging av DOGA. Eigarstyring av Electronic Chart Centre (ECC).
Viktige arbeidsområde er lovutvikling, politikkutvikling og formidling av nasjonale mål og interesser i regional og lokal planlegging, statlege planprosessar, oppfølging av samordna bustad-, areal- og transportplanlegging, behandling av innvendingssaker, rettleiing i bruken av plansystemet, utvikling av politikk for by- og tettstadsutvikling.