Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Visjonen vår er «Straff som endrar» og verdiane våre er: tryggleik, openheit og nytenking som er førande for åtferda vår og som organisasjon.
Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.
Kriminalomsorga sin høgskule og utdanningssenter KRUS er den einaste høgskulen som utdannar fengselsbetjentar i Noreg. Vi tilbyr studiar innanfor straffegjennomføring, driv forskings- og utviklingsarbeid og er kompetansesenter for kriminalomsorga. Hovudoppgåva vår er å bidra til høg kvalitet i kriminalomsorga ved å utvikle og formidle kompetanse om straffegjennomføring. KRUS har ei leiande posisjon i Skandinavia innan forsking på kriminalomsorg og straffegjennomføring. Fagfeltet er tverrvitskapleg og består blant anna av kriminologi, sosiologi, filosofi, juss, psykologi, psykisk helsearbeid, sosialt arbeid og sikkerheitsfag. Vi etablerer no ei desentralisert deltidsutdanning, noko som gjer at vi skal vekse og bli fleire i løpet av perioden 2025-2027. KRUS har ei spennande tid framover og ser etter fleire motiverte kollegaer! Les meir om oss på https://www.krus.no/jobb-hos-oss.619846.no.html.