Rådgjevarar NAV Sogndal

Rådgjevar – arbeidsretta oppfølging ved Nav Sogndal

Vil du bidra til at fleire kjem ut i arbeid eller utdanning? Vi søkjer rådgjevar innan arbeidsretta oppfølging!

Vi har ledig ei fast 100% spennande stilling som rådgjevar med hovudfokus på arbeidsretta oppfølging. Vi ser etter deg som har engasjement for menneske, evne til å motivere andre og gjerne har erfaring frå arbeidsretta oppfølging .

Arbeidsoppgåver

Som rådgjevar vil du mellom anna:

• Følgje opp personar med behov for bistand til å kome i arbeid eller utdanning
• Kartleggje ressursar, kompetanse og moglegheiter hjå brukarar
• Utarbeide og følgje opp aktivitetsplanar i samarbeid med brukar
• Samarbeide tett med arbeidsgjevarar, tiltaksarrangørar og samarbeidspartnarar internt i Nav og eksternt
• Vurdere tiltak og arbeidsretta verkemiddel som kan bidra til arbeid
• Saksbehandling i tråd med gjeldande regelverk
• Motivere og rettleie brukarar i endrings- og inkluderingsprosessar

Kvalifikasjonar

• Relevant utdanning på minimum bachelor-nivå
• Erfaring frå oppfølgingsarbeid, rettleiing og  arbeidsinkludering
• Gode digitale ferdigheiter
• Erfaring med tverrfagleg samarbeid

Det er ei fordel om du har:

• kjennskap til Nav sitt samfunnsoppdrag
• erfaring frå arbeidsretta oppfølging i Nav
• erfaring frå arbeid med oppfølging av flyktningar

• Kjennskap til arbeidsmarknaden

Personlege eigenskapar

Vi ser etter deg som:

• Har tru på at menneske kan kome i arbeid, uavhengig av utfordringar
• Er relasjonssterk og flink til å skape tillit
• Er strukturert og sjølvstendig
• Har god gjennomføringsevne og likar jobbe i team
• Er løysingsorientert og fleksibel i møte med ulike behov

Vi tilbyr

• Ei meiningsfull stilling der du gjer ein skilnad i menneske sine liv
• Eit godt fagleg og inkluderande arbeidsmiljø
• Moglegheit for kompetanseutvikling
• Fleksibel arbeidstid
• Gode pensjons- og forsikringsordningar

Oppstart i stillinga snarast. Oppstartstidspunkt vil bli vektlagt ved tilsetting.

Løn etter kommualt lønsregulativ, eller nærare avtale.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt  EasyCruit.