Økonomileiar

Om stillinga

Masfjorden kommune har frå 01.09.2026 ledig stilling som økonomileiar. Stillinga er sentralt plassert i den kommunale verksemda og har ei viktig rolle i arbeidet med god økonomistyring, rapportering og vidare utvikling av kommunen si økonomiforvaltning.

Økonomiavdelinga i Masfjorden kommune arbeider med budsjett, rekneskap og økonomisk planlegging. Ho har ei viktig rolle i å sikre god kontroll over kommunen sine inntekter og utgifter. Avdelinga støttar også dei ulike tenestene i kommunen med økonomisk rådgjeving og oppfølging.

Arbeidsoppgåver

• Leiing av økonomiavdelinga, med fag- og personalansvar
• Ansvar for føring, kvalitetssikring og avslutning av kommunen sin rekneskap, samt løpande økonomirapportering til administrativ og politisk leiing
• Utarbeiding og oppfølging av budsjett, økonomiplan, tertialrapportar og analysar av den økonomiske utviklinga i kommunen
• Ansvar for KOSTRA-rapportering, systemansvar for økonomisystem og oppfølging av rutinar, internkontroll og kvalitet innan økonomiområdet
• Innkrevjingsarbeid, oppfølging av kommunale krav og utskriving og oppfølging av eigedomsskatt
• Rådgjeving og støtte til leiarar i økonomispørsmål, samt deltaking i utviklingsarbeid, digitalisering og forbetring av kommunen sine økonomiprosessar
• Andre oppgåver knytte til økonomiforvaltninga i kommunen

Me søkjer etter ein økonomileiar med

• Relevant utdanning frå høgskule eller universitet, gjerne innan økonomi, rekneskap eller administrasjon
• God erfaring med føring og avslutning av kommunale rekneskap
• God kjennskap til kommunal økonomiforvaltning
• Erfaring med budsjettarbeid, økonomirapportering og analyse
• God digital kompetanse og gjerne erfaring med relevante økonomisystem
• God skriftleg og munnleg framstillingsevne på norsk

Det er ein fordel om du har:

• Erfaring frå arbeid i kommunal sektor
• Kjennskap til aktuelt lov- og avtaleverk innan kommunal økonomiforvaltning
• Erfaring med utviklings- og forbetringsarbeid

Personlege eigenskapar

• Arbeider strukturert, sjølvstendig og målretta
• Har gode samarbeidsevner
• Er analytisk og løysingsorientert
• Er tydeleg og trygg i rådgjevarrolla
• Har evne til å handtere fleire oppgåver samstundes

Personlege eigenskapar vil verte tillagde vekt

Me tilbyr 

• Ei sentral og viktig stilling i kommunen
• Varierte og utfordrande arbeidsoppgåver
• Høve til å påverke og vidareutvikle økonomiarbeidet i kommunen
• Godt arbeidsmiljø og dyktige kollegaer
• Løns- og arbeidsvilkår etter avtale
• Gode pensjons- og forsikringsordningar

Anna 

• Tilsetjing skjer på vanlege kommunale vilkår
• Tenestespråket i Masfjorden kommune er nynorsk
• Søkarliste vil innehalde namn, alder og kjønn. Om du ønskjer å bli unnateke offentlegheit må dette grunngjevast. Søkar vil få varsel om grunngjeving ikkje vert teke til følge
• Frå 2026 vil du få sletta 25 000 kroner av studielånet ditt når du har budd 1 år i Masfjorden kommune. 25 000 kroner blir sletta for dei som oppfyller vilkåra kvart år til ein har betalt ned heile gjelda. Les meir om den nye ordninga her