Kommunedirektør

Visjonen for kraftkommunen Høyanger er å vere ein aktiv og framtidsretta samfunnsutviklar med verdiane kraftfull, skapande og inkluderande. Som vår nye kommunedirektør skal du saman med omlag 600 engasjerte medarbeidarar og politikarar sette mål i tråd med dette. Vi har i dag eit godt og i stor grad desentralisert tenestetilbod som vi vil fortsette å styrke og forbetre.

Kommunedirektøren skal ha bevisst fokus på Høyanger som ein god stad å leve, arbeide, bu og flytte til for unge og eldre. God tilrettelegging for næringsutvikling og fleire arbeidsplassar er viktig.

Vi søkjer ein synleg, utviklings- og resultatorientert kommunedirektør som er ein god endringsleiar og organisasjonsbyggjar. Du er tydeleg men samstundes motiverande og samlande for å nå felles mål gjennom gode prosessar.

Som kommunedirektør er du ein strategisk og handlekraftig leiar med evne til effektiv gjennomføring av politiske vedtak. Du er bevisst rolla di og trivst i skjeringspunktet mellom politikk og administrasjon.

Ansvar og oppgåver

• Leiing av organisasjonen med fokus på godt samarbeid, strategi, heilskap, endringsleiing og god personalleiing
• Effektiv drift og vidareutvikling med fokus på kvalitet og effektivitet innan gitte økonomiske rammer
• God økonomistyring og rapportering
• God sakshandsaming og effektiv oppfølging av politiske vedtak
• Pådrivar og tilretteleggjar for samfunns- og næringsutvikling

Kvalifikasjonar

• Relevant utdanning frå høgskule/universitet
• God kjennskap til kommunal verksemd
• Grunnleggjande økonomikompetanse/- forståing, gjerne også innan konsesjonskraft
• Leiarerfaring frå offentleg og/eller privat verksemd med gode resultat
• Kompetanse/erfaring innan personal- og økonomi

Vi ser etter deg som er

• Strategisk dyktig med evne til å tenke nytt og langsiktig
• Tydeleg, løysingsorientert, handlekraftig med evne til gjennomføring
• Gode relasjons- og kommunikasjonseigenskap med god forståing for partssamarbeidet i norsk arbeidsliv
• Trygg, tillitsskapande og opptatt at vi skal ha ein sterk VI- kultur og godt arbeidsmiljø.
• Bidrar med arbeidsglede og godt humør

Vi tilbyr

• ei spennande stilling som toppleiar med stor påverknad på viktige samfunnsområde i nært samspel med politisk nivå
• varierte og utfordrande arbeidsoppgåver i ein utviklingsorientert organisasjon
• eit godt arbeidsmiljø med dyktige og motiverte medarbeidarar
• konkurransedyktig løn og god pensjonsordning i KLP

Fram til søknadsfristen vil alle førespurnader om stillinga bli handsama konfidensielt.

Presentasjon av Høyanger som bu- og arbeidsområde:

Høyanger kommune har store moglegheiter inn i det grøne skiftet og mot sirkulærøkonomi. Industristaden Høyanger har rein, fornybar vasskraft og vi har infrastruktur som topp moderne industrianlegg.

Vi satsar på kultur og folkehelse, og vi dyrkar samspelet mellom det profesjonelle, kommunen og dei frivillige. Vi jobbar for å skape eit inkluderande og aldersvenleg samfunn, med fokus på universell utforming og gode møteplassar.

Vi har som mål å styrke attraktiviteten til kommunen, og sikre at det er godt å både bu, besøke og å drive næring i heile kommunen. Her kjem du inn i bildet!

Kvifor Høyanger?

• Stor aktivitet innanfor næringslivet med fokus på den grøne skifte og sirkulærøkonomi
• Eit rikt lag- og organisasjonsliv
• Fokus på samskaping og samarbeid
• Topp moderne treningssenter, ski- og turløyper, idrettsanlegg, m.m.

Vi gjer merksam på at etter offentleglova § 25 kan opplysningar om søkjaren bli offentlege, sjølv om søkjaren har oppmoda om ikkje å bli ført opp på søkjarlista. Ønskje om å verte unntatt offentlegheit blir handsama i tråd med offentleglova.