Seniorkonsulent straffesaksstøtte

Om stillinga

I Vest politidistrikt er det ei ledig stilling som seniorkonsulent ved Felles eining for påtale i Seksjon for Saks- og dokumenthandtering.

På seksjonen er vi 35 tilsette som er lokalisert i Bergen, Åsane, Odda og Florø. Medarbeidarane er spreidde i alder og erfaring og arbeider godt saman på tvers av avsnitt og arbeidsoppgåver. Oppgåvene er mange og stiller høge krav til nøyaktigheit, detaljfokus og samtidig effektiv saksbehandling. Vi har behov for deg med god digital kompetanse, interesse for straffesak og som vil vera med å utvikla fagområdet. Stillinga er lokalisert i Florø. Avsnittet i Florø har 7 faste tilsette og 1 vikar. 

Seksjonen har ansvar for registrering, koordinering og samordning av straffesaker i hovudsak i ferdig etterforska saker og til dels i saker under etterforsking. Vi følgjer straffesaka frå anmeldelse til registrering av rettskraftig dom. Seksjonen samarbeider tett med ulike partar i straffesaksarbeidet; statsadvokaten, domstol, forsvarer, rettsmedisinsk, kriminalomsorga, andre offentlege etatar og aktuelle partar. Som seniorkonsulent hos oss vil du få høve til å jobba med varierte oppgåver. Stillinga gir deg høve til å utvikla deg fagleg, samtidig som du får jobba tett med kollegaer i eit spennande og mangfaldig fagfelt.

Du vil få eit unikt høve til å jobba med ulike arbeidsprosessar i straffesakskjeda, og til å bidra til det viktige samfunnsoppdraget til politiet.

Seksjonen er midt i ei omorganisering der vi skal justera oss frå 4 til 3 avsnitt. Det vil medføra nokre endringar med tanke på kva arbeidsoppgåver som skal høyra til under dei nye avsnitta. Dette er under utarbeiding p.d.d. og meir informasjon vil bli gitt under intervju.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggja og nedkjempa kriminalitet, skapa tryggleik og ivareta rettstryggleiken. Vi trur at mangfald bidrar til betre oppgåveløysing, og søkjer difor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gje deg det du treng.

Dette ser vi etter hos ein ny medarbeidar

Vi ser etter ein effektiv og sjølvstendig medarbeidar som ønskjer ein interessant og utfordrande jobb i eit godt arbeidsmiljø. Vi stiller høge krav til motivasjon, arbeidsmoral og etisk integritet. Vidare søkjer vi deg som til kvar tid opptrer profesjonelt og fungerer som ein god ambassadør for politiet gjennom haldningane dine og handlingar i det daglege arbeidet.

I vår vurdering av kandidat er mellom anna dette noko me vil leggja vekt på, i tillegg til evna til å  bidra til eit inkluderande og respektfullt arbeidsmiljø.

Arbeidsoppgåver

• Dokumentføre straffesakspost
• Registrere nye politimeldingar
• Saksbehandling i samarbeid med politiadvokat, etterforskar og andre kolleger
• Bistå seksjonen og driftseininga med innsamling, oppsummering og analyse av data.  
• Samarbeid med ulike partar i straffesaksarbeidet; statsadvokat, domstol, forsvarer, rettsmedisinsk, kriminalomsorga, andre offentlige etater og aktuelle partar 
• Bidra til å sikra kvalitet i saksbehandlinga og effektiv kommunikasjon
• Behandling av digitale mediefiler
• Rådgivning og rettleiing til publikum
• Kontakt med partar i saker over telefon og med fysisk oppmøte
• Delta i arbeid med forbetring og utvikling av seksjonen
• Kvalitetssikring
• Andre oppgåver pålagde av overordnet

Kvalifikasjonar

Dette må du ha for å vera kvalifisert:

• Minimums tre års utdanning på høgskule- eller universitetsnivå (gjerne innan  teknologi, IT, digitalisering eller liknande) og relevant erfaring
• Relevant arbeidserfaring i minimum 5 år kan erstatte kravet til utdanning
• Ferdigheiter og kunnskap innen digital kompetanse
• God munnleg og skriftleg framstillingsevne

Du må ha plettfri vandel og vera skikka for teneste i politiet og politiattest (uttømmande og utvida) må innhentast ved ev. tilsetjing jfr. politiloven § 18 og politiregisterlova § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju.

Det er også ønskjelig med:

• Relevant fagkompetanse
• Interesse for og/eller kunnskap innan KI
• Erfaring med Microsoft 365
• Relevant erfaring fra saksbehandling innan offentlig forvaltning
• God kunnskap om straffesaksbehandling er en fordel
• Kjennskap til datasystema til politiet

Personlege eigenskapar

• Sjølvstendig, fleksibel og løysingsorientert
• Nøyaktig og oppteke av kvalitet
• Stor arbeidskapasitet
• Liker å jobba sjølvstendig og i samarbeid med andre
• Gode samarbeidseigenskapar og bidra til eit godt arbeidsmiljø

I utvelginga blir det lagt vekt på personlege eigenskaper, også sett i sammanheng med teamsammensetning ved seksjonen. 

Som medarbeidar i politiet har du høg etisk medvit, der du blir kjenneteikna av å vere modig og heilskapsorientert, du viser respekt og er tett på. Du kan lesa meir om dei etiske retningslinjena våre og medarbeidarplattforma her.

Dette kan vi tilby om du vel oss

• Ein utfordrande og spennande arbeidsplass for deg som vil vera med å forme framtidas politi
• Stillinga blir lønna som seniorkonsulent (stillingskode 1363) med årslønn frå kr. 600.000,-. Vidare lønnsutvikling vil skje i henhold til hovudtariffavtalane i staten
• Medlemskap i Statens pensjonskasse, med mellom anna gode pensjons- og forsikringsordningar. Les meir her. 
• Gode arbeidsvilkår (t.d. fleksibel arbeidstid, sommartid og trening i arbeidstida ol.)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gjev, blir brukt til å utarbeida anonymisert statistikk som alle statlege verksemder rapporterar på i sine årsrapportar.

Slik søkjer du

Du søkjer ved å fylle ut CV i Jobbnorge sitt CV-skjema og skriva ein kort søknad. I tillegg må du leggja ved relevante vitnemål og attestar. Relevante søkjarar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.