Leiande arrestforvarar

Om stillinga

Vil du vere ein nøkkelperson i sikring av tryggleik, kvalitet og profesjonalitet i eit av Noregs travlaste arrestmiljø?
 

Ønskjer du å bli leiande arrestforvarar? 

Har du gode kommunikasjonsevner og klarer å halde roa i krevjande situasjonar? Har du evna til å tenkje sikkerheit og samstundes vere ein god omsorgsperson? Er du i tillegg reflektert og likar ein utfordrande kvardag? Då kan stillinga som leiande arrestforvarar i Bergen vere jobben for deg!

Vest politidistrikt, FOT – Felles eining for operativ teneste, har for tida ledig ei fast  stilling som leiande arrestforvarar (stillingskode 1342). Stillinga inneber for tida 3-delt turnus med dag-, kvelds- og nattarbeid, og kvar tredje helg. 

Seksjon for arrest og framstilling består av erfarne medarbeidarar med solid bakgrunn frå etaten og med høg kompetanse. Tenesta er til tider utfordrande, og våre tilsette må vise fagleg innsikt, forståing, sjølvstende og avgjerdsevne. Du står likevel aldri åleine – i eit miljø med godt samarbeid og tydeleg struktur. Arrest- og framstillingsseksjonen består av dyktige og erfarne arrestforvararar, leiande arrestforvararar, fagleiar og seksjonsleiar. Her jobbar du tett på menneske, fag og leiing.

Arrest- og framstillingsseksjonen sitt hovudansvar er ein viktig del av politiet sitt samfunnsoppdrag, ved dagleg ivaretaking av:

•          Arrestantane sitt liv, helse og rettstryggleik

•          Sikring av menneskeverd og personvern

•          Praktisering av regelverk for innsetjing og opphald på ein trygg, einsarta og profesjonell måte

Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og kjempe mot kriminalitet, skape tryggleik og ta vare på rettstryggleiken. Vi trur at mangfald bidreg til betre oppgåveløysing, og søkjer difor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidshardagen, vil vi gjere vårt beste for å gi deg det du treng.
 

Dette ser vi etter hos ein ny medarbeidar

Vi ser etter motiverte personar som er interesserte i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

I arbeidsutføringa vil du møte mange ulike menneske. Nokre har gjort alvorlege kriminelle handlingar, andre er i aktiv rus, nokre har psykiske lidingar og andre åtferdsvanskar. Evne til sikkerheitstenking og grensesetjing er ein viktig del av arbeidsutføringa. Det same gjeld omsorg for menneske i djup krise. Du som tilsett må kunne reflektere rundt omgrep som sikkerheit, omsorg, isolasjon og fridomsfråtaking.
 

Vidare søkjer vi deg som til ei kvar tid opptrer profesjonelt og fungerer som ein god ambassadør for politiet gjennom haldningane og handlingane dine i det daglege arbeidet. Evna til å vere trygg, nærverande, lydhøyr og å byggje tillit til publikum er avgjerande for å lukkast i organisasjonen vår. I vurderinga av kandidatar vil vi mellom anna leggje vekt på dette, samt evna til å bidra til eit inkluderande og respektfullt arbeidsmiljø.
 

Arbeidsoppgåver

• Ha funksjon som leiande arrestforvarar i samsvar med arrestinstruksen
• Samarbeide, rettleie og gi fagleg rettleiing til arrestforvararar i samsvar med føringar i arrestinstruksen
• Sjå til at innsetjingar og opphald i arresten blir gjennomførte i samsvar med gjeldande regelverk og eventuelle direktiv frå påtalemakta ved den enkelte straffeprosessuelle pågripinga
• Kvalitetssikre heimelsgrunnlaget for alle pågripingar og innbringingar
• Sørgje for god kvalitet på oppgitte krav til føring i arrestinstruksen
• Vurdere helse og tryggleik ved opphald i arresten
• Kontrollere og følgje opp opphaldstid i arresten
• Ha ansvar for lauslating og godt samarbeid med påtalemakta vedrørande pågripne
• Ha ansvar for mottak og tilsyn med innbrakte og pågripne til sentralarresten ved politihuset i Bergen
• Planleggje, koordinere og gjennomføre framstillingar og transportar av arrestantar og andre som skal transporterast og framstillast
• Utføre signalering, inkludert foto og fingeravtrykk, samt prøvetaking til DNA-register
• Samarbeide med einingar internt i politiet, samt eksterne etatar
• Utføre på- og avlenking av politiet si fotlenkje (omvend valdshalarm)
• Medverke til utvikling av fag- og arbeidsmiljø, godt medarbeidarskap og ønskja kultur
• Stillinga er under løpande vurdering, og endringar må reknast med.

Kvalifikasjonar

• Kunne vise til gode resultat frå tidlegare stillingar
• Relevant yrkeserfaring (til dømes politiarrest, fengsel, helse og omsorg, forsvaret eller tilsvarande yrke)
• Ha eller forplikte seg til å ta relevant utdanning og intern opplæring
• God munnleg og skriftleg framstillingsevne på norsk og engelsk
• God digital kompetanse
• Fysisk og psykisk skikka til å kunne gjennomføre og bestå krav innan operativ trening 
• Førarkort klasse B og D1  (dersom du ikkje har D1-førarkort, dekkjer arbeidsgivar kostnaden  ved bestått D1 - førarkort innan 6 månader)
• Norsk statsborgarskap
• Høgare utdanning er ønskjeleg
• Leiarerfaring er ein fordel
• Kunnskap om andre kulturar er ein fordel

Du må ha plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved vurderinga av om du er skikka for teneste i politiet, kan det bli henta inn opplysningar om deg frå registra til politiet.

Personlege eigenskapar

Vi søkjer deg som har:

• Evne til å tenkje tryggleik
• Er ein god rollemodell
• Har gode samarbeidsevner og kommuniserer tydeleg og profesjonelt
• Ein naturleg bidragsytar til eit godt arbeidsmiljø
• Evne til å arbeide strukturert og nøyaktig, med ei serviceorientert tilnærming
• Handterer høgt tempo og ansvar på ein trygg, roleg og profesjonell måte
• God forståing for rolla til arrestseksjonen i samfunnsoppdraget til politiet, og for kor viktig det er å ta vare på menneskeverd og menneskerettar i alle ledd

Motivasjon og personleg eignad for stillinga vil bli lagde vekt på.

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spennande arbeidsplass for deg som vil vere med og forme politiet for framtida
• Ein arbeidsplass som set profesjonalitet, tryggleik og rettstryggleik først
• Eit arbeidsmiljø med fokus på openheit, samarbeid og respekt

• Stillinga vert lønna som leiande arrestforvarar ( stillingskode 1342) frå  650 000,- . 

  For tida tilkommer ATB-tillegg tilsvarande kr. 44 708,- brutto per år.  Tillegg for kveld/natt og helgearbeid tilkjem. Vidare lønnsutvikling vil skje i henhold til hovudtariffavtalane i staten.

• Medlemskap i Statens pensjonskasse, med mellom anna gode lån-, pensjons- og forsikringsordningar. Les meir på www.spk.no 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.