Arbetsbeskrivning
Om stillinga
Universitetet i Stavanger har ledig stilling som rådgjevar ved Fakultet for utdanningsvitskap og humaniora, fakultetsadministrasjonen.
Den som vert tilsett, skal ivareta eksamens- og studiearbeid knytt til ulike studium ved Institutt for grunnskulelærarutdanning, idrett og spesialpedagogikk (IGIS).
Instituttet har ansvar for grunnskulelærarutdanning for 1 – 7. trinn og 5 – 10. trinn mastar i spesialpedagogikk, master i idrettsvitskap, bachelor i idrettsvitskap, og dessutan årsstudium i spesialpedagogikk, kunst og handverk, drama, idrett, friluftsliv og læring og psykologi. I tillegg har instituttet ansvar for vidareutdanningar i kunst og handverk, mat og helse, rettleiing for praksislærarar og rettleiing av nyutdanna lærarar og ei rekkje varierte enkeltemne. Me har eit nært samarbeid med over seksti skular i regionen som gir rettleidde praksis til grunnskulelærarstudentane. Det er i dag ca 90 tilsette, ca 14 stipendiatar og nærare 1000 studentar tilknytte instituttet.
Eksamensarbeidet er for tida knytt til vidareutdanningar ved instituttet, EMMIR, mikroemne og emne på grunnskolelærerutdanningene, og studiekoordinering er for tida knytt til årsstudia Læring og psykologi, Drama og teater og Kunst og handverk.
Hovudoppgåver
- Planleggje og gjennomføre administrativt arbeid relevant for eksamen.
- Informere og rådgje studentar om plikter og rettar med omsyn til lov- og regelverk om gjennomføring av studium og eksamen.
- Saksbehandle og følgje opp klagesaker vedrørande sensur og karaktersetting, inkludert følge opp klager på formelle feil, og delta i saksførebuing av saker til universitetets klagenemnd
- Bidra i utgreiingsarbeid og saksbehandling knytt til kvalitetsutvikling innan ansvarsområde for instituttleiar, instituttråd o.l.
- Bidra i marknadsføring og informasjon til studiesøkjarar og studentar om studiestruktur, innhald, undervisning og studiekvardag.
- Saksbehandle og følgje opp individuelle utdanningsplanar og søknader om individuell tilrettelegging ved behov.
- Samarbeide med studieprogramleiar og emneansvarleg, studenttillitsvalde og eksterne samarbeidspartnarar om kvalitetssikring, -utvikling og gjennomføring av studia.
- Bidra til samarbeid og erfaringsutveksling på instituttet og på tvers av einingar.
Kvalifikasjonar
Du må ha:
- høgare utdanning på masternivå, fortrinnsvis innan lærarutdanning, idrett eller humanistiske fag
- relevant erfaring, fortrinnsvis frå universitets- og høgskolesektoren
- erfaring med bruk av relevante IT-verktøy, fortrinnsvis FS
- svært god munnleg og skriftleg framstillingsevne på norsk og engelsk
Vidare blir det lagt vekt på at du:
- er serviceinnstilt, fleksibel og imøtekomande
- har gode kommunikasjons- og samarbeidsevner
- er sjølvstendig, effektiv og strukturert
- er proaktiv, resultatorientert og tar ansvar for gjennomføring av gode arbeidsprosessar
Vi tilbyr
- varierte arbeidsoppgåver i ein stor organisasjon med eit viktig samfunnsoppdrag
- eit inkluderande arbeidsmiljø med fokus på fagleg utvikling.
- løn etter Statens lønnsregulativ l.pl 90.500, kode 1434, kr 600 000 - 700 000 bto pr år. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
- medlemskap i Statens pensjonskasse som sikrar gode pensjons- og forsikringsordningar
- meir om gode for tilsette og fordelar på våre nettsider
Mangfald
Mangfald er ein ressurs i arbeids- og læringsmiljøet ved UiS. Når me har ulike bakgrunnar og røynsler, kan me sjå utfordringar frå fleire vinklar og finna betre løysingar. På UiS er me opptekne av å visa respekt for ulikskapane våre, og legg til rette for tilsette med nedsett funksjonsevne. Me tek omsyn til behova dine og situasjonen din i ulike livsfasar.
Synest du denne stillinga er interessant, oppmodar me deg til å søkja, uavhengig av kjønn, funksjonsevne, kulturell bakgrunn, eller om du i ein periode har vore utanfor arbeidslivet.
Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst éin søkjar i kvar av desse gruppene til intervju. Kjenner du deg att i ein av desse kategoriane, kan du kryssa av i jobbsøkjarportalen vår.
Les meir om krava for å verta vurdert som søkjar i desse gruppene her.
Universitetet vil rekruttera fleire menn til avdelinga og oppmodar derfor spesielt menn til å søke. Dersom fleire søkjarar vert vurdert til å ha likeverdige kvalifikasjonar, vil ein mann bli prioritert føre ei kvinne.
Kontaktinformasjon
Spørsmål om stillinga kan rettast til kontorsjef Birgitte Tysdal, tlf: 51833085, e-post: [email protected]
Spørsmål om tilsetjingsprosessen kan rettast til HR rådgiver Elin Rødland, tlf: 51832383,e-post: [email protected]
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 100 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
