Pedagogisk leiar

Monsanut barnehage har ledig stilling på 100% for pedagogisk leiar.

Me er ein 3-avdelingsbarnehage med fantastiske uteområde på toppen av Lye. Vi har omlag 13 årsverk som gir eit godt pedagogisk tilbod til 56 barn. Time kommune eig og driv barnehagen. Me har ei stabil personalgruppe, gode medarbeidarmålingar og gode foreldreundersøkingar. Barnehagen er inne i ei god fagleg utvikling der vår profesjon blir sett på dagsordenen. Barna skal oppleve god kvalitet her på dagtid. Vi er ein estetisk barnehage som legg vekt på leik og læring gjennom sansar og undring. Vår visjon er: «Tid til barns beste». Tilknytning, tryggleik, fellesskap og vennskap står sentralt. Foreldra er viktige og barna er ressurspersonar. Barnehagen er nytenkande og framtidsretta og har satsing på MarteMeo, CLASS, GLEDING, natur og leik- SELMA.  Me er ein praksisbarnehage for barnehagelærarutdanninga på UIS, me har elevar inne i praksis frå både ungdoms- og vidaregåande skule.  
Time kommune har ambisjonar om å tilby barnehagar med høg kvalitet der barn opplever tryggleik, trivsel og utvikling. Me arbeider systematisk med kvalitet, inkludering og tidleg innsats i heile oppvekstløpet. 

Arbeidsoppgåver

Som pedagogisk leiar blir du ein del av leiarteamet i barnehagen og får ei sentral rolle i både drift og utvikling. Du vil ha ansvar for foreldre og personal på din avdeling. Du vil få fagleg utvikling, og bidra til at barnehagen blir driven i tråd med lover, forskrifter og kommunale føringar. 
Du vil bidra til utvikling av barnehagen som ein lærande organisasjon med høg kvalitet. 
Ha medansvar for arbeidsmiljø og nærværs arbeid.
Medvirke til godt foreldresamarbeid og bidra til å sjå på barn som ressurspersoner. 
Styrke arbeidet med inkluderande praksis og tidleg innsats.
Delta i utviklingsarbeid på tvers av oppvekstområdet i kommunen LLB.

Kvalifikasjonar

• Utdanning som barnehagelærar, eller går siste året på studie for barnehagelærarutdanning.
• God forståing for barnehagen sitt samfunns-mandat.
• God skriftleg og munnleg framstilling på norsk 
• God digital kompetanse 
• Personleg eigenskapar vil bli vektlagt 

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må like utfordringar, vere engasjert og løysingsorientert
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen
  

Me tilbyr

• Ein utfordrande jobb med gode utviklingsmoglegheiter som leiar av ei avdeling.
• Du vil vera del av eit dyktig leiarkollegium i barnehagen.
• Som pedagogisk leiar får du ta del i foreldresamarbeid på eit tidleg tidspunkt og kan vera med å utvikla barnehagen. 
  
• Du vi få støtte og rettleiing i leiarrolla.
• Gode pensjonsordningar 
  
• Løn etter tariff
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling

Der det er lovkrav om det, må politiattest registreres før første arbeidsdag tar til.

Kontaktinformasjon

Arbeidsstad

Nøkkelinformasjon: