Arbetsbeskrivning
Ledig stilling som kontormedarbeidar
Me har ledig fast 100 % stilling som kontormedarbeidar i Ullensvang kyrkjelege fellesråd.
I kyrkja i Ullensvang har me 8 sokn, 8 kyrkjer, 8 gravplassar, eit gravkapell og eit krematorium. I fellesrådet har me i tillegg til kontortilsette også kyrkjetenarar, kyrkjegardsarbeidarar, organistar, trusopplærar og diakon. Me har også fleire prestar i vår felles stab.
Hovudkontoret vårt ligg i Odda, men me har også kontorfasilitetar i tilknyting til andre sokn rundt i kommunen.
Arbeidsoppgåver:
- Dagleg kontakt med publikum og samarbeid med stab og kyrkjelege organ i resepsjon og via telefon og e-post
- Saksbehandling i samband med kyrkjelege handlingar som dåp, konfirmasjon, giftarmål og gravferd.
- Utføra administrative oppgåver som fakturahandsaming, post og arkiv
- Utføra oppgåver innan rekneskap i samarbeid med rekneskapsførar
- Marknadsføring av kyrkja og hendingar i kyrkja
- Andre daglege oppgåver knytt til økonomi og administrasjon
Kvalifikasjonar:
- Relevant utdanning og arbeidserfaring
- God erfaring med bruk av pc og andre digitale saksbehandlingsprogram
- Erfaring frå arbeid med økonomi og rekneskap
- Erfaring med bruk av digitale system og digitale medium
Personlege eigenskapar:
- Evne til å arbeida strukturert, sjølvstendig og i samarbeid med tilsette og frivillige
- Gode kommunikasjonsevner både skriftleg og munnleg
- Det vert lagt vekt på at søkjar er personleg eigna, har evne til fleksibilitet og har gode samarbeidsevner
- Blikk for forbetring og utvikling, og positiv til digital utvikling i arbeidskvardagen
- Søkjar må vera medlem av den norske kyrkja.
Me tilbyr:
- Medlemskap og pensjon i KLP
- Ulukkes- og gruppelivforsikring
- Bedriftshelseteneste
Nærare opplysningar får du ved å kontakta kyrkjeverje Oddbjørn Vestbøstad på telefon 53 65 09 07/92 33 29 05 eller på e-post [email protected]
Søknadsfrist 30. juni. Aktuelle kandidatar kan vert kontakta i søknadsperioden.
Elektronisk søknad skal benyttes via "søk på stilling" knappen på siden.
Om Nav