Psykologspesialist/psykolog

Vil du vere med å vidareutvikle framtidas psykiske helsevern ved DPS Poliklinikk Ålesund?

Vi søkjer ein engasjert psykologspesialist eller psykolog til fast stilling i våre allmennteam.

Hos oss blir du ein del av eit sterkt fagmiljø med brei kompetanse innan utgreiing og behandling av psykiske lidingar, og får moglegheit til å bidra i utviklinga av eit framtidsretta og innovativt behandlingstilbod. DPS Poliklinikk Ålesund består av sju behandlingsteam; eit gruppebehandlingsteam, eit ROP-team, eit tidleg avklaringsteam og fire allmennteam med ulik fagleg profil. Allmennteama omfattar to generalistteam, eit traumeteam og eit nevropsykiatrisk team. Dette gir høve til både breidde og fordjuping i klinisk arbeid.

Hos oss blir du del av eit aktivt og utviklingsorientert fagmiljø med brei terapeutisk kompetanse. Vi arbeider mellom anna med intensiv dynamisk korttidsterapi (ISTDP), emosjonsfokusert terapi (EFT), kognitiv åtferdsterapi (CBT), EMDR og Prolonged Exposure (PE), og legg til rette for fagleg utvikling gjennom samarbeid, rettleiing og kompetansedeling på tvers av team. Vi er opptekne av kontinuerleg utvikling av behandlingstilbodet. I løpet av hausten startar vi arbeidet med å etablere B4DT (fire dagars behandling) for angstlidingar. Vi ser på moglege løysinger innan eBehandling. Poliklinikkane innan psykisk helsevern i Helse Møre og Romsdal har også teke i bruk kunstig intelligens som støtte i journalskriving, med gode erfaringar.

Hos oss møter du eit inkluderande fagmiljø med høg kompetanse. Vi har 17 spesialistar innan psykologi og psykiatri, eit godt etablert rettleiingstilbod og stor interesse for fagutvikling og innovasjon. Vi legg vekt på stabile og samanhengande pasientforløp. Derfor søkjer vi medarbeidarar som ønskjer å vere ein langsiktig del av eit godt arbeidsmiljø, som er opptekne av relasjonsbygging, samarbeid og kvalitet i pasientbehandlinga.

Vi ønskjer å vere ein arbeidsplass der medarbeidarar kan utvikle seg gjennom heile karrieren. Hos oss møter du eit sterkt tverrfagleg fagmiljø der psykologar, psykologspesialistar, legar, sjukepleiarar, vernepleiarar, sosionomar og andre faggrupper arbeider tett saman for å gi best mogleg behandling. Kombinasjonen av brei pasientportefølje, høg spesialistkompetanse, ulike terapeutiske retningar og eit aktivt fagfellesskap gir gode moglegheiter for både fagleg fordjuping, læring på tvers av profesjonar og vidare utvikling.

Arbeidsoppgåver

• Poliklinisk utgreiing, diagnostisering og behandling av psykiske lidingar
• Ansvar for eigne pasientforløp med vekt på kvalitet, kontinuitet og pasientmedverknad
• Samarbeid med pårørande, kommunale tenester og andre relevante samarbeidspartnarar
• Bidra med psykologfagleg kompetanse i team og fagmiljø
• Delta i fagutvikling og vidareutvikling av poliklinikken sine behandlingstilbod
• For psykologspesialistar vil oppgåver knytt til rettleiing og deltaking i inntaksarbeid vere aktuelle

Kvalifikasjonar

• Psykologspesialist i klinisk vaksenpsykologi eller annan relevant spesialitet
• Psykolog med autorisasjon og påbegynt spesialisering
• Psykolog med lisens med snarleg påvente av autorisasjon er også velkomen til å søkje
• Erfaring frå psykisk helsevern for vaksne og poliklinisk arbeid er ønskjeleg
• Erfaring med tverrfagleg samarbeid og koordinering av pasientforløp vil bli vektlagt
• Gode munnlege og skriftlege norskkunnskapar

Personlege eigenskapar

• Har gode kliniske vurderingsevner og høg fagleg integritet
• Skaper tillit og gode terapeutiske relasjonar
• Bidreg til stabile og samanhengande pasientforløp
• Tek ansvar og arbeider sjølvstendig med eigne behandlingsforløp
• Samarbeider godt med kollegaer og bidreg positivt til arbeidsmiljøet
• Har interesse for fagutvikling og nye arbeidsformer innan psykisk helsevern
• Ønskjer å vere ein aktiv bidragsytar i eit etablert fagfellesskap

Personleg eignaheit vil bli tillagt stor vekt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Arbeidssted

Nøkkelinformasjon: