Saksbehandlar verjemål

Saksbehandlar verjemål

Statsforvaltaren er lokal verjemålsmyndigheit og vi har no ledig ei fast stilling som saksbehandlar ved seksjon verjemål.
Arbeid med verjemål er allsidig, og famnar mange ulike område som forvaltningsrett, arv- og skifte, bank og finans, helse, barnerett med meir. Vi oppnemner verjer til menneske som sjølve ikkje har evne til å ivareta sine juridiske interesser på det økonomiske og personlege område. Vi handsamar òg saker om stadfesting av ikraftsetjing av framtidsfullmakt. I tillegg skal vi rettleie og føre tilsyn med verjene i deira arbeid. Vidare fattar vi ei rekke avgjerder som skal sikre at menneske med verje får teke i vare rettane sine. 

Arbeidsoppgåver

Du vil i hovudsak arbeide med saksbehandling etter verjemålslova. Dette inneber mellom anna

• førebuing, utgreiing og behandling av saker om oppretting og endring av verjemål
• rettleiing av verjer, verjemålshavarar, pårørande og offentlege instansar
• handsaming av søknader om og utbetaling av verjegodtgjering
• handtere utbetalingar frå kapitalkonto
• 
  stadfesting av framtidsfullmakter
• årleg kontroll og oppfølging av verjerapportar

Andre oppgåver enn dei som er nemnde ovanfor, kan òg bli lagde til stillinga.

Kvalifikasjonar

Du

• har ein relevant bachelorgrad til dømes innanfor rettsvitskap, jus/administrasjon, eller økonomi
• har god skriftleg og munnleg framstillingsevne på norsk

• har erfaring frå saksbehandling i offentleg forvaltning
• har erfaring med digitale saksbehandlingssystem
• trivst å arbeide med saksbehandling

Det er ein fordel om du har kunnskap om verjemålslova og/eller forvaltningslova.
 
Det vil bli lagt særleg vekt på personlege eigenskapar. Du

• trivst med å arbeide sjølvstendig og saman med andre
• er fleksibel og handterer endringar i arbeidsoppgåver på ein god måte
• er strukturert, effektiv og klarer å prioritere arbeidsoppgåver
• har gode kommunikasjonsferdigheiter  
• trivst med å rettleie andre

​Hos oss får du

• ein stabil arbeidsgivar med fleksibel arbeidstid
• løn som 1434 rådgivar lønsspenn frå kr.550.000,- til kr.750.000,- . Lønsplassering ut frå kvalifikasjonar, erfaring og lokal lønnspolitikk. I særskilte tilfelle kan høgare lønn vurderast.
• tilsetting etter gjeldande lover, instruksar og reglement. Dei første seks månadene er prøvetid
• medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
• moglegheit for noko heimekontor når det er føremålsteneleg
• høve til å trene i arbeidstida

Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise) 
Som vår nye kollega vil du få ein utfordrande jobb i eit utviklande og godt fagmiljø
Vi bruker som hovudregel nynorsk som skriftspråk. Den som vert tilsett må beherske norsk både skriftleg og munnleg. 
Utviklinga av organisasjonen vår er i kontinuerleg utvikling. Den som vert tilsett må difor vere open for endringar i organisering, oppgåver og ansvarsområde.

Mangfald

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).

 
Praktisk informasjon om søknadsprosessen

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.
 
Det er viktig at du registrere all relevant utdanning og arbeidserfaring i kandidatprofilen du opprettar i rekrutteringssystemet (sjølv om du legg ved ein ferdigutfylt CV). Dette er nødvendig for at vi skal kunne vurdere søknadar frå deg og for å ivareta kravet om fullstendig søkjarliste.
Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.
 
Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.  
 

Om oss

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».
Har du spørsmål om stillinga? Ta gjerne kontakt med rekrutterande leiar Kjersti Klemetsen Bakken på telefon (Norge +47) 92848422.
 
Søknadsfrist: 09.08.2026 
​