Helsesjukepleiar i skulehelsetenesta 100% vikariat

Eining Barn og familie er ei av 21 einingar i sektor oppvekst i Kvinnherad kommune. Eininga samlar dei fleste hjelpetenestene for barn, unge og familiar i kommunen, og består av seks avdelingar: barnevern, helsestasjon, PPT, familiestøtte, avlastning- og butiltak for barn og unge og tverrsektorielt psykologteam. Eininga held til i Husnes tenestesenter.  

Omtale av stillinga: 

Er du vår nye kollega?

Ved helsestasjonstenesta i Kvinnherad er det ledig  2 x 100% vikariat som helsesjukepleiar i skulehelsetenesta for snarleg tilsetting. Det eine vikariatet gjeld tom 31.01.27 med mogleg forlenging, og det andre gjeld tom 31.06.27 med mogleg forlenging. 

Skulehelsetenesta arbeidar målretta for å styrke barn og unge si helse, trivsel og meistring, gjennom å støtte deira utvikling og oppvekstmiljø.

Skule- og helsestasjonstenesta i Kvinnherad har for tida 9.5 helsesjukepleiarstillingar, i tillegg 2,2 jordmorstillingar knytt til helsestasjonen.  

Arbeidsoppgåver: 

Hovudarbeidsoppgåver for stillinga: 

Dette inneber mellom anna. 

• Arbeidsoppgåver i tråd med Nasjonal fagleg retningsliner for helsefremmande og førebyggande arbeid i skulehelsetenesta
• Arbeidsstad primært ute på aktuelle skular 
• Barnevaksinasjonsprogrammet 
• Samtalar med barn, unge og føresette 
• Råd og rettleiing til føresette 
• Tverrfagleg samarbeid med skular og andre hjelpeinstansar 
• Dokumentasjon i fagsystemet Infodoc

Kvalifikasjonar: 

Utdanningskrav: Offentleg godkjent helsesjukepleiar.

Dersom vi ikkje får kvalifiserte helsesjukepleiarar kan helsesjukepleiarstudentar og sjukepleiarar med relevant arbeidserfaring bli vurdert.

• Erfaring frå tverrfagleg samarbeid
• Erfaring frå arbeid med barn, unge og familiar
• God digital kompetanse
• Krev gode norskkunnskapar  
• God skriftleg og munnleg framstillingsevne 
• Førarkort Klasse B.

Personlege eigenskapar 

Personlege eigenskapar vert vektlagt ved tilsetjing;

• God samarbeidsevne og god kommunikasjon 
• At ein kan arbeide sjølvstendig og at ein er eigna for arbeid med foreldre, barn og ungdom 
• Løysingsorientert, målretta og strukturert 
• Evne til fleksibilitet og endringsvilje og kunne takle uforutsette situasjonar 
• Evne til å bidra til eit godt arbeidsmiljø 

  Vi tilbyr 

• Faglege utfordringar i eit hyggeleg arbeidsmiljø 
• Ei utfordrande og sjølvstendig stilling 
• Tilsetjing skjer etter gjeldande vilkår for kommunale arbeidstakarar i samsvar med HTA og AML.   
• Pensjonsordning, ulykkes- og gruppelivsforsikring gjennom KLP.   
• Gode arbeidstilhøve i eit godt arbeidsmiljø.   
• Dekning av flytteutgifter etter nærare reglar.   
• Bur du i Kvinnherad og er i jobb, kan du etter eitt år få sletta 25 000 kroner av studielånet.   
• Ingen eigedomsskatt pr i dag for hus, hytter og næring.   
• Gratis SFO og søskenmoderasjon i barnehagen.   

Det er krav om gyldig politiattest før du tiltrer i stillinga.