Arbetsbeskrivning
Om arbeidsstaden
Austevoll kommune og Tysnes kommune har inngått samarbeid om ei delt stilling som beredskapsrådgivar.
I Austevoll kommune høyrer stillinga til kommunedirektøren sin stab, som heiter stab for strategi, styring og støtte. Staben blir leia av kommunalsjef. Staben har ansvar for fleire sektorovergripande tenester, mellom anna kommunikasjon, HMS, HR, økonomi, samfunnsplanlegging og folkehelse. Staben har om lag 20 tilsette. Beredskapsrådgivar vil rapportere til kommunalsjef.
I Tysnes kommune høyrer stillinga til kommunedirektøren sin stab og vil rapportera direkte til kommunedirektør.
Om stillinga
Austevoll kommune og Tysnes kommune har inngått ei samarbeidsavtale om ei fast 100 % stilling som beredskapsrådgivar. Stillinga er delt mellom kommunane, med om lag 60 % til Austevoll kommune og 40 % til Tysnes kommune. Austevoll kommune har arbeidsgivaransvaret for stillinga. Kommunane vil ha eit tett samarbeid, og samordne arbeidsprosessar når det er føremålstenleg.
Ansvars- og arbeidsoppgåver
Beredskapsrådgivaren skal arbeide med oppgåver knytt til kommunane sitt lovpålagde ansvar for kommunal beredskapsplikt. Det inneber
- å etablere og utvikle system for arbeidet med beredskap
- heilskapleg risiko- og sårbarheitsanalyse
- overordna beredskapsplanverk
- beredskapsøvingar og evaluering
- opplæring og rettleiing
- vere pådrivar, koordinere og samarbeide med eksterne aktørar
- oppfølging av tilsyn om kommunal beredskapsplikt
- førebu saksframlegg til politisk handsaming
- inngå i kommunane sin kriseorganisasjon ved uønskte hendingar og kriser
- ansvar for krisestøtteverktøy og kommunikasjonsløysingar for kriseleiinga
- andre relevante oppgåver innan samfunnstryggleik og beredskap
Administrasjonsmålet i begge kommunane er nynorsk.
Kvalifikasjonskrav
Formelle kvalifikasjonskrav
- Høgare relevant utdanning på bachelor- eller masternivå
- Erfaring frå strategisk beredskapsarbeid i kommune, stat, forsvarssektoren eller andre relevante beredskapsmiljø
- Erfaring med saksbehandling, politiske prosessar og utgreiingsarbeid
- Erfaring med beredskapsplanlegging eller krisehandtering på strategisk nivå
- God forståing for offentleg forvaltning, styringssystem, utvikling av styrande dokumentasjon, rutinar og retningsliner
- God skriftleg og munnleg formuleringsevne
- God digital kompetanse og erfaring med relevante verktøy
- Evne til å analysere, strukturere og formidle komplekse problemstillingar
- Må kunne tryggleiksklarerast til nivå HEMMELEG
Personlege eigenskapar
Vi ønsker oss ein kollega som
- arbeider strukturert, sjølvstendig og med god rolleforståing
- trivst i eit tverrfagleg miljø og samarbeider godt med andre
- er analytisk, løysingsorientert og trygg i komplekse situasjonar
- kommuniserer klart og presist, både munnleg og skriftleg
- har evne til å halde oversikt og skape struktur, framdrift og gjennomføre krevjande prosessar
Vi tilbyr
- Ei spanande rolle og moglegheit til å ha ein sentral rolle i utviklinga av kommunane sitt beredskapsarbeid.
- Varierte, spanande og samfunnsnyttige oppgåver.
- Moglegheit for fagleg utvikling i eit godt og positivt kollegafellesskap.
- Løn etter kvalifikasjonar.
- Vi tilbyr ein fleksibel arbeidskvardag med delvis heimekontor og fleksibel arbeidstid.
- Gode pensjons- og forsikringsordningar.
Kontorstad i Austevoll kommune er kommunehuset på Storebø, om lag 5 minuttar frå ferje- og hurtigbåtkai - godt eigna for pendlarar. Kontorstad i Tysnes kommune er rådhuset i Uggdal, om lag 5 minuttar frå ferjekaien i Våge og i underkant av 20 minuttar frå ferjekaien på Hodnanes. Tysnes kommune er også landfast over Lukksund bru.
Slik søker du
Send søknad og CV ved å klikke på knappen merka "Søk stilling" på denne sida.
Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.
Ikkje send søknad på e-post til enkeltpersonar i kommunen.
Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.
Om Austevoll kommune
Austevoll er ein øykommune sør-vest i Vestland fylke. Austevoll er den største fiskerikommunen i landet med svært høg næringsaktivitet og byr på eit mangfald av spanande jobbar.
Kommunen har eit folketal på om lag 5500 og dagleg pendlar omtrent 700 til Austevoll frå nabokommunar.
Vi er rundt 450 fast tilsette som er opptatt av å gi innbyggarane våre gode kommunale tenester.
Om Tysnes kommune
Tysnes er ein sentralt plassert øykommune sør for Bergen. Her finn du dei same tilboda som i andre omkringliggande senter utanfor Bergen. Kommunen har eit folketal på litt i overkant av 3 000.
Tysnes kommune har om lag 330 tilsette innan helse- og omsorg, skule og barnehage, tekniske tenester og offentleg administrasjon. Vi er opptekne av å skape gode arbeidsplassar og gjere Tysnes til ein god stad å bu.
Draumen om livet på landet finn du på Tysnes!
Vi ønsker deg velkommen som søkar til stillinga!
