100% stilling som sektorleiar for barn og familie

Ledig fast stilling som sektorleiar for barn og familie – 100 %

Arbeidsstad: Oppvekst- og utdanningssektoren, oppvekststab.

 Fysisk plassering er Familiens hus (Meieriet allaktivitetshus] /Odda rådhus. 

Informasjon om stillinga

I kjølevatnet av oppvekstreforma, og i tråd med vår politisk vedteken plan for førebygging, etablerer vi no organisatorisk saman med skule -og barnehagesektoren den tredje sektoren i oppvekst og utdanningssektoren:

Sektor barn og familie (Familiens hus).

Vi søkjer ein strategisk, relasjonell og utviklingsorientert leiar som vil få det overordna ansvaret for å byggje opp, drifte og omstille sektoren. Målet vårt er å sikre «éi dør inn» til saumlause, heilskaplege og tverrfaglige tenester, slik at familiar får den rette hjelpa til rett tid i sitt eige lokalmiljø. Sektorleiaren vil inngå i kommunalsjefen sin oppvekststab saman med sektorleiarane for skule og barnehage, samt fagleg rådgivar. 

Arbeidsoppgåver: 

• Fagleg og administrativt ansvar for helsestasjonstenesta, PPT og- logopedkontoret og Hardanger interkommunale barnevernteneste, OppMot,  førebyggande tenester med SLT, ambulerande team, ressursteam og barne -og ungdomslosar. 

• Personalansvar for verksemdsleiarar i eininga,herunder verksemdsleiar for Familiestøtte som er i prosess. Samt tilsette som arbeider under førebyggande tenester.  

• Strategisk gjennomføring og samhandling: Omsetje nasjonale og kommunale reformar til praktisk, tverrfagleg kvardag og bryte ned etablerte fagsiloar. Samt vere ein pådrivar for å søkje prosjektmidlar til å utvikle sektoren.

• Brubygging og innovasjon: Fungera som ein aktiv strategisk brubyggjar og ambassadør til andre team og sektorar i kommunen for å sikre rett ressursfordeling.

• Kultur- og kapasitetsbygging: Utvikle eit trygt arbeidsmiljø prega av høg psykologisk tryggleik, felles verkelegheitsforståing, læringskultur og høg relasjonell kapasitet.

• Ung jobb  i oppvekst og utdanningsektoren: Halde i dette godt utvikla og etablerte tiltaket.  

Kvalifikasjonskrav:

• Relevant høgare utdanning på universitets- eller høgskulenivå.

• Solid leiarerfaring, fortrinnsvis frå tverrfagleg omstillingsarbeid innan oppvekst-, helse- eller sosialsektoren.

• God operativ og strategisk forståing for komplekse krysspress i offentleg sektor.

• Gode digitale ferdigheiter.

• Søkjarar må ha norskkunnskapar tilsvarande nivå B2. Det er ein føremun med språkkunnskapar på C1-nivå, då stillinga inneber utstrekt bruk av norsk i saksutgreiing og kommunikasjon med interne og eksterne samarbeidspartnarar.

• Personleg eignaheit vil bli vektlagt

Personlege eigenskapar:

• Relasjonsleiing og autoritativ varme: Du leier med tydelegheit, set klare rammer og forventningar, men utstråler samstundes ein djup relasjonell varme, respekt og omsorg for medarbeidarane dine.

• Kommunikasjon og psykologisk tryggleik: Du evner å sjå den enkelte, avklare forventningar, og du søkjer og følgjer opp tilbakemeldingar. Du toler usemje og maktspenningar, og gjer det uføreseielege trygt.

• Gode samarbeidsevner og evne til å tenkje utanfor boksen og handtere motstridande krav med kognitiv kompleksitet.

Me tilbyr:

• Varierte og spennande arbeidsoppgåver i ein nyoppretta og sentral toppleiarstilling med stor påverknadskraft på oppvekstvilkåra i kommunen.

• Ein organisasjonskultur som set tillit, sårbarheit og tverrfagleg samspel høgt.

• Etter kommunen sin avlønningsmodell for leiarar.

• Gode moglegheiter for kompetanseheving med støtte frå kommunen.

• Fleksibel arbeidstid og gode permisjons- og pensjonsvilkår.

Krav:

• Godkjent politiattest jfr. gjeldande lovverk må leggjast fram før tilsetjing.

• Krav til førarkort.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/