Prosjekteringsleiar - Store bruprosjekt

Møre og Romsdal fylkeskommune har mange bruprosjekt i porteføljen dei komande åra. Til prosjektorganisasjonen søker vi prosjekteringsleiar innafor større bruprosjekt som ny Remøybru og ny Steinvågbru. Der vil du inngå i eit team med blant anna prosjektleiar, byggeleiar, kontrollingeniør, prosjekterande og støtteressursar. Du vil rapportere til prosjektleiar. 

Stillinga har kontorstad Ålesund. 

Du må rekne med noko reising i heile fylket til dei ulike prosjekta og til dei ulike kontorstadane. Fylkesvegavdelinga har eit stort, samla kompetansemiljø innan planlegging, bygging, drift, vedlikehald og forvaltning av fylkesvegane. Vegprosjektseksjonen har i dag om lag 50 tilsette med kompetanse innafor prosjektleiing, byggeleiing, HMS, økonomi og prosjektering. Inkludert i desse er byggherreorganisasjonane knytt til veginvesteringsprosjekt, Bypakke Ålesund, ny Remøybru og Steinvågbru, tunneloppgradering og ei rekkje andre bruer og ferjekaier.

Arbeidsoppgåver

- Styre eigne enkeltprosjekt med ulik størrelse og kompleksitet, i heile fylket. 
- Følgje opp enkeltprosjekta gjennom planlegging, prosjektering og anskaffing. 
- Koordinere prosjekteringa med andre seksjonar og fagmiljø i vegavdelinga. 
- Delta i valg av kontraktstrategi og utlysing av kontrakter. 
- Ha ansvar for å levere enkeltprosjekta innanfor definerte mål for HMS, økonomi, framdrift og kvalitet. 
- Rapportere til prosjektleiar og bistå prosjektleiar i styringa av prosjektporteføljen. 
- Samarbeide med dei andre byggeleiarane og kontrollingeniørane i prosjektet og i avdelinga.  

Kvalifikasjonar

- Bachelor eller master i ingeniørfag (min. 3-årig ingeniørutdanning frå universitet, høgskule eller liknande).  
- Det er ønskeleg med erfaring frå prosjektering av betong- og/eller stålkonstruksjonar.  
- God kjennskap til digitale verktøy 
- Det er ønskeleg med erfaring i bruk av BIM  
- Førarkort klasse B 

Personlege eigenskapar

- Vilje og evne til å samarbeide med og involvere interne og eksterne partar. 
- Gode kommunikasjonsferdigheiter både munnleg og skriftleg 
- Utviklings- og løysningsorientert 
- Arbeide nøyaktig og målretta 
- Sjå  behov og ta ansvar 

Vi tilbyr

- Ei utfordrande stilling i eit godt arbeidsmiljø kjenneteikna av stor profesjonalitet og sterke fagmiljø
- God tilgang til faglege nettverk og fagleg utvikling
- Offentleg pensjonsordning, gruppelivs- og ulykkesforsikring
- Løn etter avtale

Kontaktinformasjon

Ragnhild Holen Relling, Prosjektleiar store bruprosjekt , 47892170, [email protected]
Torbjørn Vatnehol, Prosjektsjef, 97714119, [email protected]

Arbeidsstad

Borgundvegen 340
6009 Ålesund

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5171263284
Stillingsprosent: 100%
Fast
Søknadsfrist: 17.09.2026