Pedagogisk-psykologisk rådgjevar

Har du lyst til å jobbe i eit spennande og engasjert fagmiljø? Haram PPT søkjer etter ein pedagogisk-psykologisk rådgjevar i 100 % eittårig vikariat med snarleg oppstart.
Stillinga er knytt til arbeidsoppgåver hovudsakleg på grunnskuleområdet. 

PPT i Haram kommune er ei aktiv teneste med engasjerte medarbeidarar med høg fagkompetanse. Vi har kontorplassering i Brattvåg sentrum. Som PP-rådgjevar vil du, i tett samarbeid med barnet, familien og læringsmiljøet rundt barnet, utarbeide sakkunnige vurderingar og råd om behov for støtte og tilrettelegging, med barnet sitt beste som overordna utgangspunkt. Du vil få ein variert og spennande jobb der du bidreg til kompetanse- og organisasjonsutvikling i skulen, med vekt på fellesskapande undervisningspraksis. Kompetansen din er med på å styrkje det universelle tilbodet, slik at alle elevar opplever inkludering, deltaking og meistring. Vi tilbyr god fagleg breidde ved å jobbe i tverrfagleg samansette team i Pedagogisk fagsenter og Vaksenopplæring.

Som tilsett i PPT er ein sikra ein variert og dynamisk arbeidskvardag der tverrfagleg samarbeid er ein viktig del av jobben. 

Haram kommune er ein ambisiøs kommune med gode heilskaplege tenester. Vi skal særleg ha fokus på å spele kvarandre gode, og arbeide på tvers for å skape gode tenester for innbyggarar og næringsliv.

Arbeidsoppgåver

• Kompetanseheving og utviklingsarbeid i samarbeid med skular og barnehagar for å fremje gode og likeverdige utviklings- og opplæringstilbod. Dette vil gjelde førebygging, tidleg innsats, trygt og godt læringsmiljø samt rådgjeving og støtte i overgangar mellom barnehage og skule, og mellom skuleslag. 
  
• Konsultasjons- og rettleiingsarbeid av føresette og skule/barnehage
• Kartlegging og utarbeiding av sakkunnige vurderingar der lova krev det
• Deltaking i tverrfagleg samarbeid på barnehagar og skular, knytt til førebygging og tidleg innsats
  
• Aktiv deltaking i team og utviklingsarbeid i eiga teneste
  

Kvalifikasjonar

• Vi søkjer pedagogisk-psykologisk rådgjevar med relevant mastergrad innan spesialpedagogikk, pedagogikk, psykologi eller andre relevante fagområde. Anna relevant utdanning, kompetanse og erfaring kan bli vurdert
• Erfaring med utgreiingsarbeid og kjennskap til, eller erfaring med, bruk av kartleggingsverktøy er ønskjeleg
• Rettleiingskompetanse med eit inkluderande perspektiv, og erfaring med å planleggje og gjennomføre kurs
• Kjennskap til, og erfaring frå, skule som organisasjon
• Ved tilsetjing vil det bli lagt vekt på den samla kompetansesamansetjinga i Haram PPT
• Svært gode munnlege og skriftlege kommunikasjonsevner på norsk
• Gyldig politiattest må leggjast fram før oppstart
• Det blir sett krav til at søkjar har sertifikat og kan stille eigen bil til disposisjon for arbeidsgjevar
  

Personlege eigenskapar

• Du er ein engasjert og utviklingsorientert fagperson som set barnet sitt beste i fokus
• Du er god på relasjonsbygging, kommunikasjon og samarbeid
• Du kan arbeide effektivt, sjølvstendig og målretta
• Du er eit positivt bidrag i arbeidsmiljøet
• Du har evne og vilje til å tileigne seg relevant fagkunnskap på relevante tema/fagområder
• Du har gode skriftlege og munnlege framstillingsevner
• Du har kjennskap til IT-system og e-lærings verktøy
• Du har evne til å inspirere og motivere andre
  Referansar og personlege eigenskapar vil verte vekta

Vi tilbyr

• Eit høgt fagleg nivå med rom for eiga utvikling og læring
• Gode pensjons- og forsikringsordningar
• Gode velferdsordningar
• Fleksibel arbeidstid
• Godt sosialt miljø med gode kollegaer
• Spenande utfordringar både fagleg og sosialt
• God rettleiing og oppfølging
• Løn etter avtale
• Gratis parkering

For at vi skal kunne behandle søknaden din på best mogleg måte, ber vi deg registrere ein fullstendig CV og laste opp relevante attestar og vitnemål. Dokumentasjon på tidlegare praksis og erfaring er nødvendig for å kunne berekne ansiennitet og fastsetje løn ved ei eventuell tilsetjing.

Kontaktinformasjon

Arbeidsstad

Nøkkelinformasjon: