Politibetjent 3/2/1 med funksjon som etterforskar

Om stillinga

I Vest politidistrikt, for tida ved Geografisk driftseining Bergen, Askøy og Øygarden (GDE-BAØ) er det ledig eit antal faste stillingar som politibetjent 3/2/1 (stillingskode 1461/1459/1457) med funksjon som etterforskar. GDE Bergen, Askøy og Øygarden er organisert i fem politistasjonsdistrikt: Bergen Sør og Bjørnafjorden politistasjonsdistrikt, Bergen Nord politistasjonsdistrikt, Bergen Vest politistasjonsdistrikt, Askøy og Øygarden politistasjonsdistrikt og Bergen Sentrum politistasjonsdistrikt. 

Vi søkjer ein motivert og fagleg sterk medarbeidar som ønskjer å bidra til høg kvalitet i etterforskinga og til eit godt arbeidsmiljø. Vi stiller høge krav til fagleg kompetanse, motivasjon, arbeidsmoral og etisk integritet.

Vi er på jobb for eit trygt Noreg. Som ein del av politiet sitt viktige samfunnsoppdrag skal vi førebyggje og kjempe mot kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller i arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Du er ein engasjert og fagleg dyktig etterforskar som ønskjer å bidra til høg kvalitet i straffesaksarbeidet. Du er strukturert, har god vurderingsevne og trivst med å samarbeide med andre. Samstundes evnar du å arbeide sjølvstendig, ta ansvar og handtere ei variert og tidvis travel arbeidskvardag. Du bidreg positivt til arbeidsmiljøet og til utvikling av fagmiljøet ved eininga.

Arbeidsoppgåver

• Etterforske straffesaker i tråd med gjeldande regelverk, instruksar og prioriteringar
• Planleggje, gjennomføre og dokumentere etterforskingsskritt
• Gjennomføre avhøyr av fornærma, vitne og mistenkte
• Innhente, analysere og vurdere bevis og informasjon
• Samarbeide tett med påtalejuristar og andre fagmiljø i politiet
• Bidra til god porteføljestyring og effektiv saksbehandling
• Delta i fagutvikling og kunnskapsdeling ved eininga
• Delta på FSI vakter kvar 9. uke
• Delta på vakt og beredskapsvakt ved behov (være IP4 godkjend)
• Andre oppgåver kan verte lagde til stillinga ved behov

Kvalifikasjonar

Dette må du ha for å vere kvalifisert: 

• Bestått politiutdanning frå Politihøgskulen. Vedlagt karakterskjema skal fyllast ut og leggjast ved søknaden
• Oppfylle kompetansekrava for tilsetjing som politibetjent 2 eller 3.
• God munnleg og skriftleg framstillingsevne på norsk og engelsk

Du må ha plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved å søkja på stilling i politiet, så samtykkjer du til at det vil bli gjort ei skikkavurdering, og søk i registre, i forkant av eventuelt intervju.

Det er også ønskjeleg med:

• Erfaring frå etterforsking av straffesaker, avhøyr, analyse eller etterforskingsleiing
• Vidareutdanning eller kurs innan etterforsking og/eller førebyggjande politiarbeid
• Kompetanse innanfor gjennomgong av elektroniske spor.
• Språkkompetanse utover engelsk

Personlege eigenskapar

• Fagleg engasjert og kvalitetsmedviten.
• Strukturert og sjølvstendig.
• Gode samarbeids- og kommunikasjonsevner.
• Evne til å prioritere og handtere fleire saker samstundes.
• Resultatorientert og løysingsfokusert.
• Bidreg aktivt til eit godt arbeidsmiljø

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Stillinga vert lønna som politibetjent 3/2/1  med funksjon som etterforskar(stillingskode 1461/1459/1457) med årslønn:
  • politibetjent 3, SKO 1461 frå kr 630.000 - brutto per år, i tillegg kjem etterforskar tillegg, for tida   kr 41 080 ,- pr. år 
  • politibetjent 2, SKO 1459, frå kr 540 .000- brutto per år
  • politibetjent 1, SKO 1457, frå kr 510.000 - brutto per år
  • Vidare lønnsutvikling vil skje i henhold til hovudtariffavtalane i staten
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår med dagtidsarbeid, fleksibel arbeidstid og trening i arbeidstida. 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette..

Velkomen som søkjar til Vest politidistrikt