Barneverntenesta

Vil du bruke juridisk kompetanse i eit fagfelt der gode rettslege vurderingar har stor betydning for barn og familiar?

Øygarden barnevernteneste søkjer ein engasjert og fagleg trygg juridisk rådgivar som ønskjer å bidra til god kvalitet, god rettstryggleik og vidare utvikling av tenesta.

Stillinga er eit vikariat som går fram til januar 2028.

Som juridisk rådgivar hos oss vil du arbeide tett med leiarar og tilsette i barneverntenesta. Du vil få ei sentral rolle i å sikre god forvaltningspraksis og forsvarleg sakshandsaming, samstundes som du får høve til å bidra aktivt i fag- og tenesteutvikling.

Vi ser etter deg som trivst i skjeringspunktet mellom juss, fag og menneske, og som evnar å gjere komplekse juridiske problemstillingar forståelege og anvendelege i praksis.

Er du ein som:

• er engasjert i barn og familiar og har respekt for menneske i krevjande livssituasjonar?
• er oppteken av rettstryggleik og god offentleg forvaltning?
• trivst med komplekse juridiske problemstillingar?
• er nøyaktig, strukturert og løysingsorientert?
• likar å samarbeide og dele kompetansen din med andre?
• ønskjer å bidra til utvikling – ikkje berre forvalte dagens praksis?

Då ønskjer vi deg med på laget vårt!

Om barneverntenesta

Barneverntenesta  i Øygarden er organisert saman med Familihjelpa, Familiehelsehjelpa og Lærings- og inkluderingssenteret. Tenesta omfattar om lag 60 stillingar og er organisert i fleire fagteam.

Vi arbeider målretta med kvalitet, rettstryggleik og utvikling av tenestene våre.

Landsbymodellen er ein sentral del av utviklingsarbeidet vårt. Med utgangspunkt i tanken om at det trengst ein heil landsby for å oppdra eit barn, arbeider vi for å setje barnet og barnet sine behov i sentrum og mobilisere ressursane rundt barnet og familien.

Familie, nettverk, kommunale tenester og andre samarbeidspartnarar er viktige ressursar i arbeidet med å skape tryggleik og varige endringar for barn og unge. Gjennom Landsbymetodikken ønskjer vi også å styrkje samhandlinga mellom tenestene, slik at barn og familiar opplever meir heilskaplege og koordinerte tenester.

Som juridisk rådgivar vil du vere ein viktig del av dette utviklingsarbeidet. Du skal bidra til at fagleg utvikling og nye arbeidsmåtar skjer innanfor gjeldande rettslege rammer, og at omsynet til barnet, rettstryggleik og forsvarleg sakshandsaming vert ivareteke.

Arbeidsoppgåver:

Som juridisk rådgivar vil du ha varierte arbeidsoppgåver og arbeide tett på den faglege verksemda i barneverntenesta og den daglege drifta. Arbeidsoppgåvene vil mellom anna vere:

• Sakshandsaming og klagebehandling etter barnevernslova og anna relevant regelverk
• Handsaming av krav om innsyn
• Juridisk rådgiving og rettleiing til leiarar og tilsette
• Juridisk bistand i faglege vurderingar og beslutningsprosessar
• Bidra til å sikre god forvaltningspraksis, rettstryggleik og forsvarleg saksbehandling
• Bidra i internkontroll, kvalitetsarbeid og avvikshandtering
• Utvikling og kvalitetssikring av rutinar og prosedyrar
• Undervisning og opplæring av tilsette innan relevante juridiske tema
• Bidra med juridisk kompetanse i fag- og tenesteutvikling, mellom anna i vidareutviklinga av Landsbymodellen/Landsbymetodikken

Arbeidsoppgåvene vert i hovudsak utførte innanfor fleksibel arbeidstid. Arbeid på ettermiddag må påreknas, særleg i samband med akuttarbeid. Den juridiske rådgivaren vil ha eit fagleg fellesskap med kommuneadvokaten. Kommuneadvokaten vil vere ein sentral samarbeidspartnar og bidra med juridisk rettleiing og fagleg støtte.

Kvalifikasjonar:

Må ha:

• Juridisk embetseksamen eller master i rettsvitskap
• God juridisk metodeforståing og evne til å gjere sjølvstendige juridiske vurderingar
• God munnleg og skriftleg framstillingsevne på norsk
• Førarkort klasse B

Ønskjeleg med:

• Erfaring frå barnevernsfeltet eller anna relevant offentleg forvaltning
• Kunnskap om forvaltningsrett og offentleg saksbehandling
• Erfaring med juridisk rådgiving og rettleiing
• God digital kompetanse

Personlege eigenskapar:

• Er fagleg trygg, nøyaktig og kvalitetsmedviten
• Har god rolleforståing og høg etisk bevisstheit
• Møter barn, familiar og samarbeidspartnarar med respekt og forståing
• Har gode analytiske evner og trivst med komplekse problemstillingar
• Arbeidar strukturert og klarer å prioritere når fleire oppgåver og lovpålagde fristar skal handterast samtidig
• Kan arbeide sjølvstendig, samtidig som du trivst med samarbeid og tverrfagleg arbeid
• Kommuniserar juridiske vurderingar på ein tydeleg og forståeleg måte
• Er fleksibel og løysingsorientert
• Er nysgjerrig på andre sine perspektiv og bidreg positivt inn i faglege drøftingar
• Ønskjer å bidra til eit trygt, inkluderande og utviklingsorientert arbeidsmiljø

Personleg eignaheit vil bli tillagt stor vekt.

Anna:

• Gyldig politiattest må leggjast fram før tiltreding

Vi tilbyr:

• Ei spennande juriststilling innanfor eit viktig samfunnsoppdrag
• Varierte og fagleg utfordrande arbeidsoppgåver
• Tett samarbeid og fagleg rettleiing frå kommuneadvokaten
• Eit kompetent og engasjert fagmiljø
• Høve til å påverke og bidra i utviklinga av barneverntenesta
• Erfaring frå eit rettsområde der juridiske vurderingar har stor betydning for barn og familiar
• Gode moglegheiter for fagleg og personleg utvikling
• Fleksitidsordning
• Gode pensjons- og forsikringsordningar

Kontakt:

For meir informasjon om stillinga ta kontakt med:

Einingsleiar Hege Gundersen
Telefon: 934 84 846
E-post: [email protected]

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.