Vil du bidra til tryggleik i lokalsamfunnet?

Inntil 5 stillingar ved stasjonane Lavik og Vadheim

Stillingsprosent: 1,9 % per stilling (40 øvelsestimar i året).

Høyanger brannvesen søkjer inntil fem engasjerte og ansvarsbevisste deltidsbrannkonstablar ved stasjon Lavik/Vadheim som ønskjer å bidra til ei viktig samfunnsoppgåve.

Som deltidsbrannkonstabel blir du ein del av eit godt lag som rykkjer ut ved brann, trafikkulukker, redningsoppdrag og andre akutte hendingar. Du får nødvendig opplæring og moglegheit til å utvikle deg fagleg saman med dyktige kollegaer.

Arbeidsoppgåver

• Delta i utrykking ved brann, ulukker og redningsoppdrag.
• Delta på øvingar, kurs og obligatorisk opplæring.
• Kontrollere og vedlikehalde køyretøy og beredskapsutstyr.
• Bidra til god beredskap, HMS og eit godt arbeidsmiljø.

Kvalifikasjonar

Vi ønskjer deg som:

• Har førarkort klasse B.
• Bur i nærheita av brannstasjonen.
• Har tilfredsstillande helse og er fysisk og psykisk skikka for tenesta.
• Kan delta på utrykkingar, øvingar og obligatorisk opplæring.
• Kan avklare med arbeidsgjevar at du kan forlate arbeidsplassen ved utrykking i arbeidstida.

Du må leggje fram politiattest ved tilsetjing og gjennomføre nødvendig utdanning innan to år.

Personlege eigenskapar

Vi legg vekt på at du er påliteleg, samarbeider godt og tek ansvar. Du er motivert for å lære, møter andre med respekt og ønskjer å bidra positivt til laget.

Interessert?

Ta gjerne kontakt dersom du ønskjer meir informasjon om stillingane eller vil vite meir om kvardagen i Høyanger brannvesen.