Vi søker ein kommuneoverlege i fast 100% stilling som ønsker å vere med og utvikle berekraftige helse og omsorgstenester for framtida.
Stillinga er delt mellom 50 % kommuneoverlegefunksjon og 50 % klinisk arbeid i kommunal legeverksemd. Vi meiner kombinasjonen av systemansvar og klinisk praksis gir styrke til begge rollane. Som kommuneoverlege er du medsinskfagleg rådgiver i kommunen sitt folkehelsearbeid, miljøretta helsevern, psykisk helsevern og beredskap. Du vil ha rolle som smittevernlege med ansvaret for smittevernplan og helseberedskapsplan, og ha strategisk handlingsrom og reell påverknad på prioriteringar og utviklingsprosessar. Vi søker ein kommuneoverlege som både forvaltar lovkrav og bidreg aktivt i strategiske vurderingar av tenesta.
Du vil arbeide tett med einingsleiar for legetenesta, og ha medisinskfagleg ansvar for legekontoret og legevakt, i tillegg til overordna medisinskfagleg ansvar for kommunen. Nærmaste leiar er kommunalsjef for helse og omsorg. Til dagleg er arbeidsplassen ved Tysnes legekontor, saman med LIS1, to legar, to sjukepleiarar og einingsleiar.
Kommunen har eigen legevaktteneste som omfavnar Tysnes og deler av Kvinnherad. Stillinga som kommuneoverlege kan inngå i vaktordning, dersom vedkommande ønsker dette.
Vi ønsker ein kommuneoverlege som bidreg med perspektiv og som bygger tillit.
Som kommuneoverlege vil du:
Ønska kvalifikasjonar:
Ved ei eventuell tilsetjing må du legga fram: politiattest, jf. helse- og omsorgstenestelova § 5-4, samt eigenerklæringsskjema for MRSA og tuberkulose.
Personlege eigenskapar vert tillagt stor vekt.
Hos oss er vegen frå idé til gjennomføring kort, og du får reell påverknad på utviklinga av tenestene. Du blir del av eit tett og tillitsbasert leiarmiljø, med fleksibel organisering av det kliniske arbeidet. Vi vil òg legge til rette for spesialisering i samfunnsmedisin.
Stillinga er plassert i kapittel 5, med lønn etter avtale og årlege forhandlingar. Dersom ein går inn i vaktordning, blir det gjeve godtgjersle i samsvar med gjeldande avtalar.
Som tilsett hos oss blir du medlem i KLP, ei av dei tryggaste pensjonsordningane i landet, med solide forsikringsordningar og moglegheit for gunstige lån.
I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom Lånekassen si nye ordning for distriktskommunar.
Synest du stillinga verkar spennande, eller har du spørsmål? Ta gjerne kontakt med kontaktpersonane som står oppført i annonsen.
Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.
Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.
Tysnes kommune ønsker å spegle mangfaldet i befolkninga i rekrutteringa vår. Vi oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Vi ønsker å legge til rette for ei inkluderande rekruttering.