Rus- og avhengigheitsklinikken (RAK) lyser ut ein ph.d-stilling for legar i spesialisering (LIS-3) eller overlegar i rus- og avhengigheitsmedisin, med oppstart 1. mars 2027.
Om stillinga
Stillinga er ein 3-årig stipendiatstilling (100%) tilknytt GOAT-studien (Opioid Agonist Treatment in General Practice). Studien har som mål å forbetre behandlinga av iatrogen opioidavhengnad i allmennpraksis. GOAT er ein multisenterstudie som kombinerer ein kohortstudie og ein randomisert kontrollert studie, og blir leia av Nasjonalt forskingssenter for substitusjonsbehandling ved rusmiddelavhengigheit (NORCATS), ved Seksjon forsking, RAK.
GOAT-studien blir gjennomført i tett samarbeid med kliniske fagmiljø, fastlegar og Universitetet i Bergen. Helse Bergen er sponsor. Ph.d.-stillinga er finansiert gjennom eksterne forskingsmidlar og følger nasjonale standardsatsar for ph.d.-stilling.
Den som blir tilsett inngår i eit treårig ph.d.-løp, og for kandidatar i spesialisering (LIS-3) må spesialiseringsløpet settast på pause i stipendiatperioden.
Forskingsmiljø
NORCATS er eit forskingsmiljø med nasjonalt og internasjonalt samarbeid innan rus- og avhengigheitsforsking, med særleg vekt på utvikling og evaluering av substitusjonsbehandling for personar med rusmiddelavhengigheit.
Kandidaten vil bli del av ein etablert kompetent forskingsgruppe og vil få rettleiing frå erfarne forskarar. Det vil bli gitt opplæring i forskingsmetodikk, gjennomføring av kliniske studiar, dataanalyse og vitskapeleg publisering.
I den første perioden av tilsettingsperioden vil kandidaten også ha ein nasjonal koordinerande rolle i prosjektet og vil mellom anna bidra til oppfølging av deltakande legekontor.
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.